პარლამენტში ყოფნა დღეის მდგომარეობით რომ კონსტიტუციის ფარგლებს მიღმა მყოფი „ოცნების“ ლეგიტიმაციაა, ეს ფაქტია, უბრალოდ, პარლამენტში თუ ხართ, ღირსება მაინც გამოავლინეთ რაიმე სიტუაციაში, – ამის შესახებ „ნაციონალური მოძრაობის“ წევრია ნიკა მელია სოციალურ ქსელში წერს.

„მაქვს ძალიან კონკრეტული კითხვა „ნაციონალურ მოძრაობასთან“, მის მენეჯმენტთან და განსაკუთრებით მამაკაც დეპუტატებთან, როდესაც ოპოზიციონერ ქალ დეპუტატებს აყენებენ ენით აღუწერელ შეურაცხყოფას პირდაპირ ეთერში, რა ძალა, რა მისია ან რა ვალდებულება გაჩერებთ მანდ, მშვიდად და წყნარად როგორ ან რა მიზნით სხედხართ? და ვინმემ არ თქვას ახლა, დეპუტატის მანდატი მიშას მოსანახულებლად გვჭირდებაო, ამ უფლებას რომ არ გაყენებინებენ, ხომ ხედავთ?! 12 პუნქტის შესრულებაც მოიხსნა დღის წესრიგიდან, არა შედეგის, არამედ უშედეგობის გამო; საგამოძიებო კომისიებიც ვერ შეიქმნა. პარლამენტში ყოფნა დღეის მდგომარეობით რომ კონსტიტუციის ფარგლებს მიღმა მყოფი „ოცნების“ ლეგიტიმაციაა, ეს ფაქტია, უბრალოდ, პარლამენტში თუ ხართ, ღირსება მაინც გამოავლინეთ რაიმე სიტუაციაში“, – წერს ნიკა მელია.