საქართველოს პარლამენტის თავმჯდომარე შალვა პაპუაშვილი ტანზანიის ეროვნული ასამბლეის თავმჯდომარე ტულია აქსონს შეხვდა.
შალვა პაპუაშვილმა ტანზანიის ეროვნული ასამბლეის თავმჯდომარეს მადლობა გადაუხადა საქართველოს ოკუპირებული რეგიონების არაღიარების პოლიტიკის მხარდაჭერისთვის.
მხარეებმა აგრეთვე ისაუბრეს ორი ქვეყნის პარლამენტებს შორის ურთიერთობების გაძლიერებასა და საპარლამენტთაშორისო კავშირის ფარგლებში თანამშრომლობაზე.
ტულია აქსონმა, როგორც საპარლამენტთაშორისო კავშირის პრეზიდენტობის კანდიდატმა, შალვა პაპუაშვილს გააცნო თავისი პრიორიტეტები და გამოთქვა საქართველოს მიერ მისი კანდიდატურის მხარდაჭერის იმედი.
შეხვედრა ანგოლაში მიმდინარე საპარლამენტთაშორისო კავშირის 147-ე ასამბლეის ფარგლებში შედგა.
