კომპანია სს "კახეთის ენერგოდისტრიბუციამ" ლაგოდეხის რაიონის ორ სოფელში შრომასა და კავშირში ინდივიდუალური გამრიცხველიანება დაასრულა. აღნიშნული სოფლების ელექტროგამანაწილებელი ქსელის მოწესრიგებისა და გამრიცხველიანებისათვის კომანიამ 134 ათასი ლარი დახარჯა და 720 აბონენტი ინდივიდუალურად გაამრიცხველიანა.
ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი მოიცავს ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი იზოლირებული სადენებით, ძველი ხის ბოძები - ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.
საქართველოს რეგიონებში არსებული ყველა აბონენტს ინდივიდუალური გამრიცხველიანება 2013 წლის ბოლოს დასრულდება.