საქართველოში უცხო ქვეყნის მოქალაქეთა დაქორწინების მსურველთა რიცხვი 2009 წელთან შედარებით მიმდინარე წელს ორჯერ გაიზარდა.
თუ 2009 წლის განმავლობაში საქართველოში ოცმა უცხოელმა წყვილმა იქორწინა, მიმდინარე წელს 57 წყვილმა მოაწერა ხელი სამოქალაქო რეესტრის სააგენტოს ქორწინების სახლებში.
აღსანიშნავია, რომ უცხოელთა შორის ყველაზე მეტი პოპულარობით სიღნაღის ქორწინების სახლი სარგებლობს. აღსანიშნავია, რომ სიღნარში - `სიყვარულის ქალაქში~ ქორწინების სახლი 24 საათიან რეჟიმში მუშაობს - აქ ქორწინების არა ერთი ცერემონიალი ჩატარებულა 03.00 და გამთენიისას - 05.00 საათზეც.
იუსტიციის სამინისტროს სამოქალაქო რეესტრის სააგენტოში გამარტივებულია ქორწინების რეგისტრაციისთვის აუცილებელი პროცედურები, როგორც საქართველოს, ასევე უცხო ქვეყნის მოქალაქეებისთვის.
საქართველოში დაქორწინების მსურველ უცხოელებს აღარ სჭირდებათ სამოქალაქო რეესტრის სპეციალური ნებართვა, ცნობა ქორწინების დამაბრკოლებელი გარემოებების არ არსებობის შესახებ და პასპორტის თარგმანი. ეს კი თავის მხრივ ზოგავს მექორწინეთა ხარჯებსა და დროს.