ხმაური და დაპირისპირება იყო პარლამენტში - ჩხუბი ოპოზიციასა და "ქართულ ოცნებას" შორის ბიუჯეტის პროექტის გამო დაიწყო.
"ნაციონალური მოძრაობის" დეპუტატები აცხადებენ, რომ ქვეყნის ფინანსური დოკუმენტი სოციალურ პრობლემებსა და თავდაცვის გამოწვევებზე არაა მორგებული.
"ნაციონალური მოძრაობის" დეპუტატმა დავით კირკიტაძემ აღნიშნა, რომ ახალი ბიუჯეტით პრეზიდენტს დაფინანსება უმცირდება, რაზეც ვარაუდობს, რომ "ოცნება" გამიზნულად სჯის სალომე ზურაბიშვილს.
„პრეზიდენტს ბიუჯეტს უკვეცავთ და უმცირებთ ბიუჯეტს, 1/3 რჩება მას ბიუჯეტის, რა გინდათ - უცხოური ვიზიტები ხომ აუკრძალეთ, რა გინდათ, რომ პრეზიდენტმა დენის დავალიანება ვერ გადაიხადოს? თანამშრომლებისთვის ხელფასი ვერ გასცეს თუ რა, მაშინ, რას მოგვახვიეთ ეს ადამიანი, ჩვენი არჩევანი არ ყოფილა, რომ პრეზიდენტი ყოფილიყო ეს ადამიანი,“ - განაცხადა დავით კირკიტაძემ.
