ისრაელში „ჰამასის“ თავდასხმის შედეგად მსხვერპლთა რაოდენობა 150-მდე გაიზარდა, დაშავებულია სულ მცირე 1000 ადამიანი. ამის შესახებ ინფორმაციას ისრაელის მედია ხელისუფლების წარმომადგენლებზე დაყრდნობით ავრცელებს.
მთელი ქვეყნის მასშტაბით სკოლები და საბავშვო ბაღები დაიხურა.
ღაზას სექტორიდან ისრაელის სარაკეტო თავდასხმა დღეს, გამთენიისას მოხდა. თავდასხმაზე პასუხისმგებლობა მოძრაობა „ჰამასმა“ აიღო.
“ჰამასის” მებრძოლებმა, რომლებმაც ისრაელის ტერიტორიაზე შეაღწიეს, მძევლები აიყვანეს და ღაზას სექტორში გადაიყვანეს.
ვრცელდება ცნობები პალესტინაში მსხვერპლის შესახებაც. Al Jazeera ღაზას წყაროებზე დაყრდნობით იუწყება, რომ ტერორისტული დაჯგუფება „ჰამასის“ თავდასხმის შემდეგ ისრაელის არმიის საპასუხო დარტყმების შედეგად ღაზაში სულ მცირე 198 პალესტინელი დაიღუპა. დაშავებულთა რაოდენობა კი ათასამდეა.
