ქართული ინვესტიციით, ჰოლანდიელი სპეციალისტის სიმონ დე ბრუინჯის ინიციატივით დაფუძნებული ყვავილების სასათბურე მეურნეობა "ზენა'' ბიზნესს აფართოვებს.
აჭარაში გამოყვანილი სხვადასხვა ჯიშის ყვავილები ამიერიდან "ზენას" მაღაზიებში გაიყიდება, რომელიც ბათუმში უკვე გაიხსნა. მომხმარებელს საშუალება ექნება ადგილზე გამოყვანილი ყვავილები შეიძინონ როგორც ბითუმად, ასევე საცალოდ.
სასათბურე მეურნეობა 3 000 კვმ-ზე მოწყობილია. იგი აღჭურვილია თანამედროვე ტექნოლოგიებით, გათბობისა და მორწყვის სისტემებით.
დღეისათვის, სასათბურე მეურნეობაში მოჰყავთ მრავალფეროვანი ლილიები და ქრიზანთემები, რომელთა სარგავი მასალა შემოტანილია ჰოლანდიიდან.