წელიწადნახევარია, რეგიონში მიდის ერთ-ერთი ყველაზე მასშტაბური ომი. წელიწადნახევარია, ამ ქვეყანაში არცერთი უსაფრთხოების რისკის რეალიზება არ მომხდარა, – ამის შესახებ საქართველოს პარლამენტის თავმჯდომარემ, შალვა პაპუაშვილმა
პაპუაშვილმა მიმართა ოპოზიციონერ დეპუტატ თეონა აქუბარდიას, რომელიც საქართველოს უსაფრთხოების სამსახურის მიერ გავრცელებული გამოძიების შესახებ საუბრობდა.
„ქვეყანაში, რომელსაც არ აქვს ნატო-ს უსაფრთხოების ქოლგა და არანაირი საერთაშორისო უსაფრთხოების გარანტია, ერთადერთი უსაფრთხოების ქოლგა, რაც უზრუნველყოფს, რომ ამ წელიწადნახევრის განმავლობაში არცერთი უსაფრთხოების რისკის რეალიზება არ მომხდარა, არიან საქართველოს უსაფრთხოების სამსახურის თანამშრომლები და ოფიცრები. როდესაც თქვენ ასე აგდებულად საუბრობთ სახელმწიფო უსაფრთხოების სამსახურის გამოძიებაზე და აქედან გამომდინარე, განცხადებაზე, პარლამენტის წევრი, რომელიც ხართ თავდაცვისა და უსაფრთხოების კომიტეტის თავმჯდომარის მოადგილე და ასევე, პოზიციონირებთ ხოლმე უსაფრთხოების ექსპერტად და უაპელაციოდ ნდობას უცხადებთ ხოლმე უცხო ქვეყნების უსაფრთხოების სამსახურებს და ადმინისტრაციებს და უაპელაციოდ უნდობლობას უცხადებთ საქართველოს უსაფრთხოების სამსახურის თანამშრომლებს, ოფიცრებს, რომლის შრომის შედეგია თქვენ და ქვეყნის სხვა მოქალაქეების უსაფრთხოება. მოგიწოდებთ, პატივი სცეთ თქვენს ქვეყანას. სამწუხაროდ, ბევრი ციტატა მოგაქვთ სხვა ქვეყნების წარმომადგენლებისა და გაქვთ მათი დიდი ნდობა და გაქვთ ნულოვანი ნდობა თქვენი ქვეყნის ოფიცრების მიმართ. ამიტომ ეცით პატივი მათ, როგორც კომიტეტის თავმჯდომარის მოადგილემ და უსაფრთხოების ექსპერტმა. კიდევ ერთი საკითხი, თქვენ უსაფრთხოების ექსპერტობა გგონიათ მარტო სტრატეგიის კითხვა და მოკითხვა“, – განაცხადა შალვა პაპუაშვილმა.
