არც პოლიტიკოსი ხარ და არც არაფერი, - ასე მიმართა საკონსტიტუციო სასამართლოს სხდომაზე „ქართული ოცნების“ თავმჯდომარემ ირაკლი კობახიძემ პრეზიდენტის წარმომადგენელს და პარლამენტის თავჯდომარის ყოფილ მოადგილეს თამარ ჩუგოშვილს.
თამარ ჩუგოშვილმა სასამართლოს ჰკითხა მიეცემოდა თუ არა მას კობახიძის მსგავსად 3 საათი საუბრის, „სატელევიზიო მესიჯებისა და ლექციების წაკითხვის" საშუალება.
ამის საპასუხოდ ირაკლი კობახიძემ თამარ ჩუგოშვილს მიმართა, რომ ის არც პოლიტიკოსია და არც არაფერი.
"პოლიტიკოსი რომ იყო, კიდევ გეპატიება ეგეთი რამე. არც პოლიტიკოსი ხარ და არც არაფერი. საკონსტიტუციო კომისიის მდივანი იყავი და ერთ სამუშაო შეხვედრას არ დასწრებიხარ, სირცხვილია. ღირსების ამბავია ეს ყველაფერი", - მიმართა კობახიძემ ჩუგოშვილს.
