იაპონიის მთავრობამ საქართველოში კიდევ სამი პროექტი დააფინანსა.
საგრანტო დახმარების ფარგლებში, გარემონტდება და აღდგება აფხაზეთიდან დევნილი მოსახლეობის საავადმყოფოს შენობა.
უახლესი აპარატურა გადაეცემა იაშვილის ბავშვთა კლინიკას. თელავის, საგარეჯოსა და ახალქალაქის რაიონებში კი ჩატარდება სპეციალური სამუშაოები და მოხდება სამი რაიონის გაწმენდა ნაღმებისგან.
იაპონიის მთავრობის მიერ 1998 წლიდან მსგავსი პროექტებისთვის 8 მილიონ დოლარზე მეტი გამოიყო. საგრანტო კონტრაქტზე ხელმოწერის ცერემონიალი იაპონიის ელჩის რეზიდენციაში გაიმართა.