კომპანია "თელასმა" დაასრულა მაღალი ძაბვის ქვესადგურ `დინამოს" რეკონსტრუქცია, რომელიც `თელასის" გენერალურმა დირექტორმა იური პიმონოვმა და საქართველოს ენერგეტიკის მინისტრმა ალექსანდრე ხეთაგურმა საზეიმოდ გახსნეს.
ქვესადგურ "დინამოს" რეკონსტრუქციაზე, რომელიც გამანაწილებელი ქსელის ტექნიკური რეაბილიტაციის პროექტის ფარგლებში ჩატარდა, კომპანიამ 4 მილიონ ლარზე მეტი დახარჯა.
ქვესადგურის კაპიტალური განახლება განხორციელდა მომხმარებლებისთვის საიმედო ელექტრომომარაგების, დამატებითი სიმძლავრეების უზრუნველყოფისა და ქვესადგურზე ავარიული სიტუაციების შექმნის რისკის თავიდან აცილების მიზნით.
35 კილოვოლტიანი ქვესადგური `დინამო" თბილისის ერთ-ერთ ცენტრალურ და მჭიდროდ დასახლებულ უბანში მდებარეობს. ქვესადგურის მეშვეობით ელექტროენერგია მიეწოდება დიდუბე-ჩუღურეთის რაიონის 11,6 ათასზე მეტ აბონენტს, მათ შორის 9,9 ათასი საყოფაცხოვრებო და 1,7 ათასი კომერციული სექტორებიდან.
ამორტიზებული ზეთიანი აპარატების ნაცვლად ქვესადგურში ~დინამო~ დამონტაჟებულია უახლესი ტექნოლოგიური აღჭურვილობა ვაკუუმური და ელეგაზური აპარატების ბაზაზე. სულ 6-35 კილოვოლტიან ძაბვებზე შეცვლილია 49 უჯრედი. აღჭურვილობა შესყიდულია ცნობილი ფირმებისაგან - "სიმენსი" და ~ტავრიდა ელექტრიკ~. აშენდა ახალი, 35 კილოვოლტიანი, ორწრედიანი საკაბელო ხაზი ~დიდუბე-220 - დინამო-35~. შეცვლილია 6 კილოვოლტიანი უჯრედების შემყვანი კაბელები.
`დინამოს" რეაბილიტაციის შედეგად მკვეთრად გაუმჯობესდა ქვესადგურის მუშაობის საიმედოობა და მომხმარებლების მომსახურების ხარისხი.
ქსელის რეაბილიტაციის პროექტის ფარგლებში `თელასი" საბოლოო მიზნად დედაქალაქის ყველა მაღალი ძაბვის ქვესადგურის სრულ რეკონსტრუქციას ისახავს.
«კომპანია "თელასი" აგრძელებს ქსელის რეაბილიტაციას. Aამ ქვესადგურზე სრულიად ახალი ტექნოლოგიაა დანერგილი. შესაბამისად, გაუმჯობესდა ელექტრომომარაგების ხარისხი. ანალოგიურად მიმდინარეობს სხვა ქვესადგურების რეაბილიტაცია და დროთა განმავლობაში თბილისში მთელი ქსელი განახლდება" - განაცხადა ენერგეტიკის მინისტრმა ალექსანდრე ხეთაგურმა.
"დღეს ჩვენ ექსპლუატაციაში გავუშვით ქვესადგური "დინამო". Eეს სადგური სრულიად ახალი სიტყვაა კომპანია "თელასის" განვითარებაში. ქვესადგურში დამონტაჟებულია თანამედროვე აღჭურვილობა. ჩვენ წავედით ქვესადგურის კომპლექსური გადაიარაღების გზით. Eეს რეკონსტრუქცია საშუალებას მოგვცემს ავამაღლოთ ელექტროენერგის მიწოდების ხარისხი. ვფიქრობ, რომ ეს კარგი საახალწლო საჩუქარია თბილისის მოსახლეობისთვის და ჩვენთვის", - განაცხადა `თელასის" გენერალურმა დირექტორმა იური პიმონოვმა.