მთიანი ყარაბაღიდან სომხეთში უკვე 93 ათასი ადამიანი ჩავიდა. ამის შესახებ სომხეთის პრემიერ-მინისტრის პრესსპიკერმა ნაზელი ბაღდასარიანმა განაცხადა.
მისი თქმით, რეგისტრირებულთა რაოდენობა 69 916-ია, სახელმწიფოს მიერ შეთავაზებული საცხოვრებელი ფართებით კი უკვე 20 ათასზე მეტმა ადამიანმა ისარგებლა.
გუშინ, 28 სექტემბერს სომხეთის პრემიერ-მინისტრმა ნიკოლ ფაშინიანმა განაცხადა, რომ უახლოეს დღეებში მთიან ყარაბაღში არც ერთი სომეხი აღარ დარჩება.
„ეს არის პირდაპირი აქტი ეთნიკური წმენდისა და სამშობლოს წართმევის, რაზეც ჩვენ დიდი ხნის განმავლობაში ვლაპარაკობდით სართაშორისო საზოგადოებასთან. სხვადასხვა საერთაშორისო მოთამაშეების განცხადებები, რომლებიც გმობდნენ მთიან ყარაბაღში ეთნიკურ წმენდას, მნიშვნელოვანია, მაგრამ თუ ამ განცხადებებს არ მოყვება კონკრეტული ქმედებები, განიხილება მხოლოდ ისტორიის მორალური სტატისტიკის შექმნის ნაწილად“, - განაცხადა ფაშინიანმა.
