„ნაციონალური მოძრაობის“ მცდელობაა, შოვის დიდი ტრაგედია საკუთარი პარტიული მიზნებისთვის გამოიყენონ, ხელისუფლება დააზიანონ და რაღაც უპირატესობა მოიპოვონ - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ განაცხადა.
სარჯველაძის თქმით, ოპოზიციის მიზანია, ისტორიები შეთხზან, რასაც უსაფუძვლო ბრალდებების მიზეზად გამოიყენებენ.
„ნაციონალური მოძრაობის“ მცდელობა მიმართულია, რომ შოვის დიდი ტრაგედია რაღაც ფორმით საკუთარი პარტიული მიზნებისთვის გამოიყენონ, ხელისუფლება დააზიანონ და რაღაც უპირატესობა მოიპოვონ. ყველა კარგად ხვდება, რომ არავითარი მიზეზი არ არსებობს და მხოლოდ ჭარბი ემოციებით ხდება იმის გადაფარვა, რა მანკიერი ზრახვებიც ამოძრავებთ. ინსინუაციები იყო ჯერ ვერტმფრენებზე, შემდეგ არანორმალური ბრალდებები კალაძის ოჯახზე. არავის უნდა ჰქონდეს მოლოდინი, რომ ოპოზიციას ჭეშმარიტების დადგენის მიზანი ამოძრავებს. მათი ერთადერთი მიზანია, ისტორიები შეთხზან, რასაც ახალი უსაფუძვლო ბრალდებების მიზეზად გამოიყენებენ“, – განაცხადა მიხეილ სარჯველაძემ.
შოვის სტიქიასთან დაკავშირებით დღეს, 22 სექტემბერს ვახტანგ გომელაურს ინტერპელაციის ფორმატში პარლამენტში მოუსმენენ.
