იტალიის ქალაქ ტურინთან ავიაშოუს რეპეტიციის დროს, თვითმფრინავი ჩამოვარდა, რომელიც ავტომობილს დაეცა. დაიღუპა 5 წლის გოგონა. იუწყება la Repubblica.
ინციდენტი სასწავლო ფრენის დროს მოხდა. როგორც იუწყებიან, თვითმფრინავმა კატასტროფა დაჯდომის დროს განიცადა. ჩამოვარდნისას, ის ავტომობილს დაეცა, სადაც ოთხი ადამიანი იმყოფებოდა. ხუთი წლის გოგონა ადგილზე ძლიერი დამწვრობის შედეგად დაიღუპა. დაშავდა მისი ცხრა წლის ძმაც. ბიჭი და მისი მშობლები მძიმე მდგომარეობაში საავადმყოფოში გადაიყვანეს. გავრცელებული ცნობით, საავადმყოფოში გადაიყვანეს თვითმფრინავის პილოტიც.
იტალიურმა მედიამ ავიაკატასტროფის ვიდეოკადრები გაავრცელა. კადრებში ჩანს პილოტი, რომელიც კატაპულტირებას ახერხებს.
მომხდარის შემდეგ ავიაშოუს ორგანიზატორებმა, რომელიც Frecce Tricolore-ის იუბილეს ეძღვნებოდა, ღონისძიება გააუქმეს.
