რუსეთის საგარეო საქმეთა სამინისტროს განცხადებით, მოსკოვმა ბაქოს დიპლომატიური დემარში გამოუცხადა.
ამის შესახებ ყოველკვირეულ ტრადიციულ ბრიფინგზე რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა.
საუბარია აზერბაიჯანის განცხადებაზე, რომ რუსეთის მიერ ანექსირებულ უკრაინის რეგიონებში ჩატარებულ არჩევნებს იურიდიული ძალა ვერ ექნება.
„ბაქო ჩვენი ქვეყნის ტერიტორიულ მთლიანობის საკითხს ისეთივე პატივისცემით უნდა უდგებოდეს, როგორც პარტნიორები ელოდებიან ჩვენი მხრიდან, როდესაც საუბარი ეხება აზერბაიჯანის ტერიტორიულ მთლიანობას“, – განაცხადა ზახაროვამ.
დიპლომატმა აღნიშნა, რომ აზერბაიჯანის განცხადებები რუსეთის „ახალ ტერიტორიებზე” „არჩევნების“ შესახებ მიუღებელია.
10 სექტემბერს რუსეთის ფედერაციაში გუბერნატორებისა და მერების არჩევნები გაიმართა. საოკუპაციო რეჟიმმა ე.წ. არჩევნები ჩაატარა ანექსირებულ ტერიტორიებზეც - ლუჰანკისა და დონეცკის, ასევე ზაპოროჟიესა და ხერსონის ოლქებში.
