რუსეთის საოკუპაციო ძალები გასულ ღამეს ოდესის ოლქის, იზმაილის რაიონს დრონებით თავს დაესხნენ. დაზიანდა საპორტო ინფრასტრუქტურა, დაშავდა 7 ადამიანი. უკრაინის საჰაერო თავდაცვამ მტრის 32 დრონი ჩამოაგდო.
უკრაინის თავდაცვის უწყების ცნობით, დაზიანდა არასამოქალაქო ობიექტები. ხანძარი ლიკვიდირებულია. დაშავდა სატვირთო ავტომობილების შვიდი მძღოლი, რომლებიც სხვადასხვა სიმძიმის დაზიანებით საავადმყოფოში გადაიყვანეს. მათ შორის სამის მდგომარეობა მძიმეა.
იზმაილის რაიონი ოდესის ოლქის სამხრეთში, მდინარე დუნაიზე მდებარეობს, მისი საპორტო ინფრასტრუქტურა უკრაინული ხორბლის და სხვა პროდუქტების ტრანსპორტირებისთვის გამოიყენება.
