რუმინეთმა, მას შემდეგ რაც ქვეყნის ტერიტორიაზე რუსული უპილოტო საფრენი აპარატების ნამსხვრევები იპოვეს, ხელისუფლებამ უკრაინის მოსაზღვრე რაიონებში ბომბსაფარების აგება გადაწყვიტა.
რუმინეთის თავდაცვის სამინისტროს ინფორმაციით, ბომბსაფარების მშენებლობაში 50-მდე სამხედრო ჩაერთო.
ბუქარესტმა ასევე გააძლიერა კონტროლი საჰაერო სივრცის უსაფრთხოებაზე.
ბომბსაფარები განკუთვნილი იქნება პლაურუს რეგიონის მოსახლეობისათვის, სადაც რუსული დრონების ნამსხვრევები იყო აღმოჩენილი. ეს რაიონი უკრაინის ოდესის ოლქის ქალაქ იზმაილს ესაზღვრება.
გასულ კვირას რუმინეთის ხელისუფლებამ რუსული უპილოტო საფრენი აპარატის ფრაგმენტები იპოვა.
