რუსეთში, ვოლგოგრადის ოლქში რუსული სუ-24 ტიპის საფრონტო ტაქტიკური ბომბდამშენი ჩამოვარდა.
ამის შესახებ რუსული მედია და ტელეგრამ-არხები იუწყებიან. გამოცემა Baza-ს წინასწარი მონაცემებით, თვითმფრინავი კალაჩევის რაიონში ჩავარდა. ცნობილია, რომ ბორტზე ეკიპაჟის ორი წევრი იმყოფებოდა.
ამასთან, გამოცემა SHOT წერს, რომ სუ-24 სასწავლო ფრენას ასრულებდა და საბრძოლო მასალების გარეშე დაფრინავდა. ავიაკატასტროფას მიწაზე ნგრევა არ მოჰყოლია, მიმდინარეობს სამძებრო ოპერაცია.
