უკრაინა პოლონეთის მიერ მარცვლეულის ექსპორტის ბლოკირების შემთხვევაში, ზარალის კომპენსაციისთვის მსოფლიო სავაჭრო ორგანიზაციის არბიტრაჟისთვის მიმართვას გეგმავს. ამის შესახებ უკრაინის პრემიერ-მინისტრი დენის შმიჰალი აცხადებს.
შმიჰალი აღნიშნავს, რომ უკრაინა, მიუხედავად ომისა და რუსეთის მიერ პორტების ბლოკირებისა, იცავს ევროკავშირთან ასოცირების შეთანხმებას და მსოფლიო სავაჭრო ორგანიზაციის წესდებას.
“ჩვენ არ გვქონდა და არ გვაქვს განზრახვა ზიანი მივაყენოთ პოლონელ ფერმერებს. ჩვენ ძალიან ვაფასებთ პოლონელი ხალხისა და პოლონური ოჯახების მხარდაჭერას! მაგრამ წინასაარჩევნო პოლიტიკური პოპულიზის ინტერესებიდან გამომდინარე სავაჭრო კანონის დარღვევის შემთხვევაში უკრაინა იძულებული იქნება მიმართოს მსოფლიო სავაჭრო ორგანიზაციის არბიტრაჟს კომპენსაციისთვის, ტარიფებისა და ვაჭრობის შესახებ გენერალური შეთანხმების ნორმების დარღვევის გამო“, – წერს დენის შმიჰალი.
მანამდე პოლონეთის პრემიერ-მინისტრმა მათეუშ მორავიეცკიმ განაცხდა, რომ ბრიუსელის გადაწყვეტილების მიუხედავად, უკრაინული მარცვლეულის იმპორტთან დაკავშირებით ვარშავა არ დაუშვებს პოლონეთი უკრაინულმა მარცვლეულმა წალეკოს.
15 სექტემბერს იწურება ევროკავშირის აკრძალვის ვადა უკრაინის ხუთ მეზობელ ქვეყანაში მარცვლეულის იმპორტის აკრძალვასთან დაკავშირებით. პოლონეთი მოითხოვს აკრძალვის გახანგრძლივებას და იმ შემთხვევაში თუ ასე არ მოხდება, პოლონეთი ცალმხრივ ემბარგოს დაწესებით იმუქრება.
