4 დეკემბერს „ელიტ ელექტრონიქსმა" ახალი, რიგით 27-ე მაღაზია "თბილისი ცენტრალში" 700კვ.მ ფართზე გახსნა. მენეჯმენტის ინფორმაციით, აღნიშნული ობიექტის წარმატებამ მოლოდინს გადააჭარბა.
- "აღნიშნული ობიექტი საკმაოდ განსხვავებული მოდელია, როგორც საკუთარი ქსელის, ასევე ტექნიკის ბაზარის სხვა წარმომადგენლების მაღაზიებისგან. განსხვავებაში იგულისხმება დიზაინი, პროდუქტის განლაგება და ინტერიერი, რომელიც მომხმარებლისთვის მაქსიმალურად კომფორტულად მოვაწყეთ, რათა ყიდვის პროცესი გაცილებით მარტივი და სასიამოვნო გამხდარიყო. ეს არის მარკეტის ტიპის სავაჭრო ცენტრი, რომელშიც ღია სალაროა განთავსებული. ასევე ღია დახლებზე გვაქვს წარმოდგენილი მობილური ტელეფონები, ფოტო-ვიდეო აპარატურა, კომპიუტერები და პირადი მოხმარების ტექნიკა. მნიშვნელოვანია, რომ პროდუქტი ყველასთვის ხელშესახები გახდა და ნებისმიერ მომხმარებელს შესაძლებლობა აქვს სასურველი ტექნიკა თავად შეამოწმოს", - აცხადებს კომპანიის დირექტორის პირველი მოადგილე დავით კენჭაძე.
მისივე ინფორმაციით, ახალი მაღაზიის გაყიდვები საკმაოდ წარმატებით მიმდინარეობს. მენეჯმენტი წლის ბოლომდე ახალი ობიექტიდან მინიმუმ 1 მილიონი ლარის რეალიზაციას მოელის.
"გახსნის დღიდან მაღაზიაში ხალხის დიდი ნაკადი შეიმჩნევა. როგორც ჩანს ახალი ობიექტი საკმაოდ დიდი პოპულარობით სარგებლობს მოსახლეობაში. ჩვენ მუდმივად ვცდილობით მომხმარებლების წახალისებას. საახალწლოდ, მთლიანი ქსელის მასშტაბით, მათთვის 10 000 საუკეთესო შეთავაზების აქცია დავიწყეთ. ეს აქცია თავისი მასშტაბებით ნამდვილად განსვავაებულია. მასში 50-მდე ბრენდის 1000-ზე მეტი დასახელების პროდუქტია ჩადებული. მაგალითისთვის წარმოდგენილია მსოფლიოს ისეთი წამყვანი ბრენდები როგორიცაა: BOშჩH, GAGENAU, შIEMENშ, PHILIPშ, შHAღP, შONY, NOKIA, Hთჩ, DELL და ა.შ. ასევე მნიშვნელოვანია, რომ აქციაში წარმოდგენილი ტექნიკის რიცხვი ყოველდღიურად იზრდება", - აცხადებს კომპანიის დირექტორის პირველი მოადგილე დავით კენჭაძე.
მისივე თქმით, ეს არ არის სრული ჩამონათვალი - მომხმარებლებს ფასდაკლება და საჩუქრები დამატებით სხვა უამრავი დასახელების ბრენდსა თუ პროდუქტზეც ელით. გარდა ამისა დასაჩუქრდება ყველა მყიდველი, რომელთაც "ელიტ ელექტრონიქსი" ბრენდირებულ საახალწლო საჩუქრებს გადასცემს.
სს "ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს და სადღეოსოდ 27 მაღაზიას მოიცავს. კომპანიას გამოარჩევს, ფართო და მუდმივად განახლებადი ასორტიმენტი, საგარანტიო მომსახურება, შეძენილი ნივთის ადგილზე მიტანის, საქონლის განვადებით შეძენის სერვისი, მომსახურების მაღალი დონე, სისტემატურად ფასდაკლებებისა და სპეციალური საჩუქრების დაწესების ტრადიცია.