უკრაინის თავდაცვის ძალები ზაპოროჟიეს ოლქში შეტევას აგრძელებენ. ბოლო დღეების განმავლობაში უკრაინელმა სამხედროებმა სოფელ რობოტინოსთან კიდევ 1, 5 კვადრატული კილომეტრი გაათავისუფლეს.
ამის შესახებ ტელემარათონის დროს თავდაცვის ძალების ტავრიის მიმართულების წარმომადგენელმა ოლექსანდრ შტუპუნმა განაცხადა.
„ჩვენ ვაგრძელებთ წინსვლას რობოტინოს მიდამოებში. გათავისუფლებლია ჩვენი უკრაინული ტერიტორიის კიდევ 1,5 კვადრატული კილომეტრი“, - განაცხადა შტუპუნმა.
მისივე თქმით, მტერი კვლავ ცდილობს უკრაინის მიწების დაკავებას, ზაპოროჟიეს მიმართულებით გრძელდება მძიმე ბრძოლები.
„კვლავ რუსების სამიზნეა ჩვენი უკრაინული მიწის ყოველი მეტრი, ვერ ვიტყვით, რომ მტერი გარბის, ყველგან მძიმე ბრძოლები მიმდინარეობს. მაქსიმალურად ვცილობთ მათ მომარაგება გავურთულოთ და ეს გარკვეულ მონაკვეთზე შედეგს იძლევა“, - განაცხადა შტუპუნმა.
28 აგვისტოს უკრაინის თავდაცვის მინისტრის მოადგილემ ჰანა მალიარმა განაცხადა, რომ თავდაცვის ძალებმა სრულად გაათავისუფლეს ზაპოროჟიეს ოლქის სოფელი რობოტინო.
