რუმინელმა სამხედროებმა ქვეყნის ტერიტორიაზე კიდევ ერთი დრონის ნასმხვრევები იპოვეს, რომელიც სავარაუდოდ, რუსეთის მიერ იყო გამოყენებული. ამის შესახებ „ევროპეისკა პრავდა“ რუმინულ მედიაზე დაყრდნობით იუწყება.
დრონის ფრაგმენტები სოფელ პლაურუს მიდამოებში იპოვეს.
რუმინეთის პრეზიდენტმა მომხდარზე დაუყოვნებლივი რეაგირება მოახდინა. მისი განცხადებით, რუმინეთის ტერიტორიაზე, უკრაინის საზღვართან ახლოს უპილოტო საფრენი აპარატების ფრაგმენტების აღმოჩენა, რომელიც გავს რუსი სამხედროების მიერ გამოყენებულ დრონებს, მოწმობს, რომ მოხდა რუმინეთის სუვერენული საჰერო სივრცის მიუღებელი დარღვევა.
„მტკიცედ ვგმობ ამ ინციდენტს, რომელიც პროვოცირებულია რუსეთის შეტევებით უკრაინის პორტების წინააღმდეგ დუნაიზე“, - განაცხადა კლაუს იოჰანისმა.
მისივე თქმით, ტელეფონით ესაუბრა ნატო-ს გენერალურ მდივანს იენს სტოლტენბერგს და მას ბოლო მოვლენების შესახებ აცნობა. მისივე თქმით, სტოლტენბერგმა სრული სოლიდარობა გამოუცხადა რუმინეთს და დააწრმუნა, რომ ალიანსი და მისი წევრები სრულად უჭერენ მხარს რუმინეთს.
მხარდაჭერის მტკიცებულებად რუმინეთის პრეზიდენტმა ახსენა აშშ-ის გადაწყვეტილება რუნინეთში გაზარდოს თავისი ყოფნა F-16-ის ტიპის გამანადგურებლების განთავსებით.
„მე კიდვე ერთხელ ვგმობ რუსეთის თავდასხმებს უკრაინის მოსახლეობასა და სამოქალაქო ინფრასტრუქტურაზე, მათ შორის უკრაინის პორტებზე რუმინეთის საზღვართან ახლოს, დუნაიზე. ეს უკიდურესად გაუმართლებელი თავდასხმები არღვევს საერთაშორისო სამართლის ნორმებს და წარმოადგენს სამხედრო დანაშაულებს“, - განაცხადა იოჰანისმა.
როგორც ცნობილია 4 სექტემბერს უკრაინამ განაცხადა, რომ იზმაილსა და რენიზე რუსეთის მიერ „შაჰედებით“ თავდასახმის დროს ორი დრონი რუმინეთის ტერიტორიაზე ჩავარდა.
რუმინული მხარე თავდაპირველად ინციდენტს უარყოფდა, თუმცა 6 სქტემბერს რუმინეთის თავდაცვის მინისტრმა დაადასტურა, რომ რუმინეთის ტერიტორიაზე, დუნაის სანაპირზე ნაპოვნია ფრაგმენტები, რომლებიც სავარაუდოდ, რუსულ უპილოტო საფრენ აპარატს ეკუთვნის. დრონის ნამსხვრევები შესასწავლად ექსპერტიზას გადაეცა.
რუმინეთის პრეზიდენტმა კლაუს იოჰანისმა განაცხადა, რომ მნიშვნელოვანია გამოძიების დაუყოვნებლივ დაწყება. მისივე თქმით, იმ შემთხვევაში, თუ დადასტურდა, რომ ნამსხვრევები ნამდვილად რუსულ „შაჰედებს“ ეკუთვნის, რუმინეთი ვითარებას შეაფასებს, როგორც აბსოლუტურად მიუღებელს.
