აფხაზეთსა და სამხრეთ ოსეთში რუსეთთან შეერთების იდეა კვლავ პოპულარულია და ის შეიძლება, განხორციელდეს, თუ ამის საფუძვლიანი მიზეზი იქნება, – ამის შესახებ რუსეთის უშიშროების საბჭოს თავმჯდომარი მოადგილე, დმიტრი მედვედევი რუსულ გამოცემა “არგუმენტი ი ფაქტიში“ გამოქვეყნებულ სტატიაში წერს.
„დასავლეთმა უნდა ისწავლოს კიდევ ერთი მნიშვნელოვანი, მაგრამ აუცილებელი გაკვეთილი. 2008 წელს შევაჩერეთ თბილისზე თავდასხმა, როდესაც მოვახერხეთ წარმოშობილი საფრთხეების აღმოფხვრა და უსაფრთხოების გარანტია მივიღეთ. მაგრამ ახლა ვითარება კვლავ აქტიურად იძაბება. როგორც ჩანს, სურთ, რომ, უკრაინის ფლანგთან ერთად, ჩვენს საზღვრებთან დაძაბულობის კიდევ ერთი კერა შეიქმნას. ისევ მიდის საუბარი ნატო-ში საქართველოს შესაძლო გაწევრიანებაზე.
ჩვენ არ გვჭირდება 2008 წლის ისტორიის გამეორება. ჩვენ მზად ვართ, გავუმკლავდეთ პრობლემებს მოლაპარაკებების მაგიდასთან გაერო-ს წესდების სულისკვეთებით. მაგრამ თუ ჩვენს შეშფოთებას რეალური საფრთხე დაემუქრება, ჩვენ არ მოგვერიდება. აფხაზეთსა და სამხრეთ ოსეთში რუსეთთან შეერთების იდეა კვლავ პოპულარულია. ის შეიძლება, განხორციელდეს, თუ ამის საფუძვლიანი მიზეზი იქნება. დასავლეთისთვის მოვლენების მსგავსად შემობრუნება იქნება კიდევ ერთი სამარცხვინო ფიასკო და გავლენის დაკარგვის კიდევ ერთი სიმბოლო. ისტორია კი სასტიკად სჯის ყველას, ვინც უგულებელყოფს მის გაკვეთილებს“, – ამბობს მედვედევი.
