საბერძნეთი მიიღებს მონაწილეობას F-16-ზე ჩვენი მფრინავების მომზადებაში, - ამის შესახებ უკრაინის პრეზიდენტმა ვოლოდiმირ ზელენსკიმ საბერძნეთის პრემიერ-მინისტრ კირიაკოს მიციტაკისთან შეხვედრის შემდეგ პრესკონფერენციაზე განაცხადა.
„მე დავასახელე კონკრეტული საკითხები, რომლებიც დააჩქარებს რუსეთის ამ საზარელი აგრესიის დასრულებას. დღეს ჩვენ გვაქვს მნიშვნელოვანი შედეგი საავიაციო კოალიციისათვის - საბერძნეთი მიიღებს მონაწილეობას F-16-ზე ჩვენი მფრინავების მომზადებაში. ჩვენ მადლიერები ვართ, რომ გვექნება დახმარება უკრაინის თავდაცვისთვის, ჯგუფები მუშაობენ შესაბამის დეტალებზე“, - განაცხადა ზელენსკიმ.
ამასთან, უკრაინის პრეზიდენტმა მადლობა გადაუხადა საბერძნეთის პრემიერ-მინისტრს თავისუფლების დაცვაში დახმარებისთვის გაწევისთვის.
უკრაინელმა პილოტებმა დანიაში F-16 ტიპის ავიაგამანადგურებლებზე ვარჯიში უკვე დაიწყეს.
შეგახსენებთ, რომ ნიდერლანდები და დანია უკრაინას პილოტებისა და ინჟინრების წვრთნების დასრულების შემდეგ F-16-ის ტიპის გამანადგურებელს გადასცემს.
