რუსი პროპაგანდისტი ოლგა სკაბეევა, რომელიც სანქცირებულია ევროკავშირის, აშშ-ის, დიდი ბრიტანეთისა და სხვა ქვეყნების მიერ უკრაინაში რუსეთის შეჭრის შესახებ ცრუ ინფორმაციების გავრცელებისა და პროპაგანდისთვის, საქართველოში საკრუიზო ლაინერ Astoria Grande-ს წინააღმდეგ გამართულ საპროტესტო აქციებს ეხმიანება. იუწყება „ეხო კავკაზა“.
„რუსებო, რას მიეთრევით საქართველოში და მიგაქვთ თქვენი ფული? ამდენ შეურაცხყოფას, სიბინძურეს იღებთ ყოველ ჯერზე და ამის მიუხედავად რუსი ტურისტები მაინც ასპონსორებთ ამ დანაშაულებრივ რეჟიმს“, - განაცხადა სკაბეევამ.
ამასთან, სკაბეევამ აღნიშნა, რომ მართალია რუსი ტურისტები დაიცვა თბილისის მერმა კახა კალაძემ, თუმცა თქვა, რომ მას ეს არ აინტრესებს.
კახა კალაძემ განაცხადა, რომ საქართველო ღიაა ყველა ქვეყნის ტურისტებისთვის, მათ შორის რუსებისთვისაც.
