რუსეთის პრეზიდენტი დიმიტრი მედვედევი ეროვნებათაშორისი შუღლის გაღვივებას უმძიმეს დანაშაულს უწოდებს და აცხადებს, რომ იგი შესაბამისად უნდა ისჯებოდეს. კომენტარი ამის შესახებ მედვედევმა რიაზანში ჩატარებულ თათბირზე გააკეთა და დასძინა, რომ ამ საკითხთან მიმართებაში კანონმდებლობის შეცვლასაც არ გამორიცხავს.
"ჩვენს ქვეყანაში ეროვნებათაშორისი შუღლის გაღვივება - უმძიმესი დანაშაულია. სადღაც სხვა ქვეყნებში ამან შეიძლება შეუმჩნევლად გაიაროს, მაგრამ ჩვენთან არ გაივლის", _ განაცხადა მედვედევმა და განმარტა, რომ ყოველივე დაკავშირებულია რუსეთში არსებულ მრავალეროვნულობასა და მრავალრელიგიურობასთან.
მისი აზრით, ასეთ დანაშაულს შესაბამისი კვალიფიკაცია უნდა მიეცეთ და მათ თან შესაბამისი პასუხისმგებლობა უნდა სდევდეს.
"იმ შემთხვევაში თუკი სასჯელი არასაკმარისია - შეიტანეთ წინადადებები კანონმდებლობაში ცვლილებების შეტანის შესახებ", _ განაცხადა რუსეთის პრეზიდენტმა.
