სამედიცინო დაწესებულებების მედპერსონალი სამოქალაქო რეესტრის სააგენტოს ადამიანის დაბადებისა და გარდაცვალების შესახებ ელექტრონული შეტყობინებით აცნობებენ.
დღეს, ქალაქ ქუთაისში დასავლეთ საქართველოს ინტერვენციულ ცენტრში იუსტიციის მინისტრის მოადგილემ გიორგი ვაშაძემ და ჯანდაცვის მინისტრის მოადგილემ მიხეილ დოლიძემ ახალი სერვისის პრეზენტაცია გამართეს.
2011 წლის 1 იანვრიდან სამედიცინო დაწესებულელების წარმომადგენლები ვალდებულები ხდებიან იუსტიციის სამინისტროს სამოქალაქო რეესტრის სააგენტოს ადამიანის დაბადებისა და გარდაცვალების შესახებ ყველა ფაქტი ელექტრონული შეტყობინებით აცნობონ, რის საფუძველზეც შემდგომ მოქალაქე ნებისმიერ დროს შეძლებს დაბადებისა და გარდაცვალების მოწმობის მიღებას.
თუ ექიმი ელექტრონულ შეტყობინებას არ გამოაგზავნის თითო შეუტყობინებელ ფაქტზე გათავლისწინებული სოლიდური ჯარიმა.
ამ დრომდე მოქალაქეს დაბადებისა და გარდაცვალების მოწმობის მისაღებად, სამოქალაქო რეესტრის სააგენტოს შესაბამის ტერიტორიულ სამსახურში მისვლა, საბუთების წარდგენა, განცხადების გაკეთება, ანკეტის შევსება უწევს, რის შემდეგაც იგი იღებს მოწმობას.
საკანონმდებლო სიახლის ძალაში შევლის შემდეგ კი მოქალაქეებს მნიშვნელოვნად გაუმარტივდებათ დაბადებისა და გარდაცვალების მოწმობის მიღება.
როგორც გიორგი ვაშაძემ განაცხადა, ქუთაისი მეორე ქალაქია, სადაც აღნიშნული საპილოტო პროგრამა ამოქმედდდა, 2011 წლის განმავლობაში კი პროექტში მთელი საქართველოს სამედიცინო დაწესებულებები ჩაერთვება.
მიხეილ დოლიძის თქმით, აღსანიშნავია ის ფაქტი, რომ სამოქალაქო რეესტრის სააგენტოს ახალ ინიციატივას ყველა სამედიცინო დაწესებულება დადებითი განწყობით შეხვდა.
