საქართველოს სახალხო დამცველმა პრევენციის ეროვნული მექანიზმის სპეციალური ანგარიში გამოაქვეყნა, რომელიც 2010 წლის პირველ ნახევარს მოიცავს.
ომბუდსმენის აპარატმა მონიტორინგი სასჯელაღსრულების დაწესებულებებსა და დროებითი მოთავსების იზოლატორებში განახორციელა.
პენიტენციალურ სისტემაში 36 გეგმიური და 170 არაგეგმიური ვიზიტი განხორციელდა. მონიტორინგის ჯგუფის წევრები 500-მდე პატიმარს შეხვდნენ. შინაგან საქმეთა სამინისტროს დროებითი მოთავსების იზოლატორებში კი 43 გეგმიური და 25 არაგეგმიური ვიზიტი შედგა.
ბოლო ანგარიშში დადებითადაა შეფასებული ინფრასტრუქტურის განვითარება, რაც შეეხება ვითარებას, დოკუმენტში ნათქვამია, რომ ის 2009 წლის მეორე ნახევრის შემდეგ არ შეცვლილა და არსებობს პრობლემები, რომლებიც დაუყოვნებლივ უნდა გადაიჭრას.
ტუღუშის აპარატი მოითხოვს, სხვადასხვა უწყებამ, ადამიანის უფლებათა დაცვის მხრივ, სახალხო დამცველის რეკომენდაციები გაითვალისწინოს.