ხვალ, 15 დეკემბერს, 12:00 საათზე, თბილისის ივენთ ჰოლში, ბრიტანეთის საბჭო, ევრაზიის თანამშრომლობის ფონდი, საქართველოს სტრატეგიული კვლევებისა და განვითარების ცენტრი, სამოქალაქო საზოგადოების ინსტიტუტი ერთობლივ ღონისძიებას ჩაატარებენ.
ღონისძიება ეძღვნება საქართველოში სოციალური მიზნების გახორციელების ახალი
გზებისა და სოციალურ სფეროში მომუშავე საზოგადოებრივი ორგანიზაციების საქმიანობის ახლებურად ორგანიზების პოპულარიზაციის საკითხებს.
გაიხსნება გამოფენა-გაყიდვა. სოციალური საწარმოები საინფორმაციო მასალებს გამოფენენ თავის საქმიანობის შესახებ და შექმნილ პროდუქციას წარმოადგენენ.
13:00 საათზე საქართველოს სოციალური მეწარმეობა საქმიანობისა და მიღწევების, გამოწვევებისა და შესაძლებლობების შესახებ ანგარიშის პრეზენტაციას გამართავს.
14:00 საათზე კი ჟურნალისტთა კონკურსის - "ვიზრუნოთ ერთმანეთზე 2010" - გამარჯვებულებს დააჯილდოებენ.
აღნიშნულ კონკურსს 2006 წლიდან სამოქალაქო საზოგადოების ინსტიტუტი მართავს