თბილისის საკრებულოს ფრაქცია "ქრისტიან-დემოკრატები" ინციატივით გამოდიან.
ინიციატივა ე.წ კოოპერატიული ბინათმშენებლობის დაუმთავრებლობით წარმოქმნილი სახელმწიფო დავალიანების დაფარვის შესაბამისი ღონისძიებების გატარებას გულისხმობს.
როგორც თბილისის საკრებულოს თავჯდომარის მოადგილემ ჯაბა სამუშიამ საკრებულოში გამართულ ბრიფინგზე განაცხადა, "ქრისტიან-დემოკრატები" წერილით მიმართავენ თბილისის მერს გიგი უგულავას.
"კოოპერატიული ბინათმშენებლობის შეწყვეტით დაზარალებულ ადამიანებს უნდა გადაეცეთ შესაბამისი ნაკვეთი, საცხოვრებელი ფართი ან ზარალი აუნაზღაურდეთ ფულადი კონპენსაციის სახით",_განაცხადა სამუშიამ.
მისივე თქმით, თბილისის მერს თავაზობენ, რომ შეიქმნას მერიისა და საკრებულოს ერთობლივი დროებითი კომისია, რომელიც მონიტორინგას გაუწევს აღნიშნულ საკითხს.
ბრიფინგი კოოპერატიული ბინათმშენებლობით დაზარალებულებთან ერთად გაიმართა. დაზარალებულები სახელმწიფოს მიმართვავენ თხოვნით, რომ მათი მოთხოვნა დაკმაყოფილდეს.
მათი თხოვნის პასუხად უმრავლესობის წარმომადგენელმა საკრებულოში კოკი იონათამიშვილმა განაცხადა, რომ კოოპერატიული ბინათმშენებლობის შესახებ საკითხის განხილვა მიმდინარეობს.
"უახლოს მომავალში დაზარალებულებს გადაეცემათ მიწის ნაკვეთები. ამ საკითხის შესახებ არსებობს 12 კომისია, რომლებიც მუშაობენ, ამიტომ არ მიმაჩნია მიზანშეწონილად დამატებითი კომისიის შექმნა",-განაცხადა იონათამიშვილმა.
