ფართოდ გავრცელებული ანტიდეპრესანტი პრეპარატი "თიანეპტინი" რეცეპტის გარეშე აღარ გაიცემა. როგორც ჯანდაცვის კომიტეტში აცხადებენ, "თიანეპტინს" ნარკოტიკული თვისებები აღმოაჩნდა და მისი დიდი დოზით მიღება სიცოცხლისთვის საშიშია.
აღნიშნული მედიკამენტი ნარკოტიკულ სიაში შედის და ის აფთიაქებში აღარ გაიყიდება. აღნიშნულ სიას შესაძლოა კიდევ 52 პრეპარატი დაემატოს.
ჯანდაცვის კომიტეტის თავმჯდომარე ოთარ თოიძის განცხადებით, მედიკამენტებზე სპეციალური სამუშაო ჯგუფი მუშაობს.