დღეს, 14 დეკემბერს, ომისა და მშვიდობის გაშუქების ინსტიტუტში (IჭPღ), სტიქიით დაზარალებული მოსახლეობის და ეკომიგრანტების პრობლემატიკაზე, ტრენინგი გაიმართება. ღონისძიება რეგიონული ტელეკომპანიების ჟურნალისტებითვისაა განკუთვნილი.
ტრენინგი ორგანიზებულია ომისა და მშვიდობის გაშუქების ინსტიტუტის მიერ საქართველოს რეგიონულ მაუწყებელთა ასოციაციასთან (GAღB) და კავკასიის გარემოსდაცვით არასამთავრობო ორგანიზაციათა ქსელთან (ჩENN) ერთად.
ტრენინგის მიზანია იმ რეგიონების ჟურნალისტების პროფესიული უნარ-ჩვევების და ინფორმირებულობის ამაღლება, რომლებშიც სტიქიით დაზარალებული მოსახლეობა ცხოვრობს ან ეკომიგრანტები არიან ჩასახლებულები. ეკოლოგიური მიგრაციის საკითხებში ექპერტები გაეცნობენ ჟურნალისტებს საქართველოში ამ კუთხით არსებულ ზოგად ვითარებას, ცალკეული რეგიონებისთვის დამახასიათებელ კონკრეტულ პრობლემებს, ასევე საკანონმდებლო ბაზას და სახელმწიფოს პოლიტიკას ამ პირებთან მიმართებაში.
ტრენინგში მონაწილეობას ბათუმის, ფოთის, ქუთაისის, გურიის, ჭიათურის, ახალციხის, გორის, მარნეულის, ზუგდიდის, ბორჯომის, სენაკის, რუსთავის, ბოლნისის, ხაშურის და წალენჯიხის 16 რეგიონული ტელეკომპანიის ჟურნალისტი მიიღებს.
ტრენინგის შედეგად ჟურნალისტები თავიანთი ტელეკომპანიებისთვის მოამზადებენ რეპორტაჟებს, რომლებშიც ასახული იქნება საქართველოს რეგიონებში სტიქიით დაზარალებული მოსახლეობის და ეკომიგრანტების ამჟამინდელი მდგომარეობა და მათ წინაშე არსებული პრობლემები. ეს სიუჟეტები განხილული იქნება 2011 წლის იანვრის ბოლოს დაგეგმილ მრგვალ მაგიდაზე, რომელშიც მონაწილეობას ჟურნალისტები, ხელისუფლების წარმომადგენლები, და ექსპერტები მიიღებენ.
ტრენინგი პროექტის Bუილდინგ Bრიდგეს/Bუილდინგ ჩაპაციტყ ინ ტჰე შოუტჰ ჩაუცასუს ფარგლებში, დიდი ბრიტანეთის და ნორვეგიის საგარეო საქმეთა სამინისტროების დაფინანსებით ტარდება.
