კომპანია "ჯორჯიან უოთერ ენდ ფაუერის" ცნობით, გაგარინის ქუჩაზე, "ვეფხისა და მოყმის" ძეგლთან გამავალ 900 მმ-იან II წყალდენზე მომხდარი დაზიანებების ლიკვიდაციის მიზნით, ხვალ, 11:00-დან 24:00 საათამდე წყალმომარაგება შეუწყდება: ზაჰესის დასახლების ნაწილს, დიდი დიღმის დასახლებას, დიღმის ველზე განლაგებულ საწარმოებსა და საცხოვრებელ სახლებს, დიღმის მასივის I კვარტლის 16-სართულიან კორპუსებსა და საოლქო სასამართლოს და სარაჯიშვილისა და გოთუას ქუჩებს.
დროის აღნიშნულ მონაკვეთში წყალს დაბალი წნევით მიიღებს: ვეძისის დასახლება, ვაჟა-ფშაველას გამზირი, ნუცუბიძის ქუჩა და ყაზბეგის გამზირის ქვედა ნაწილი.
დაზიანების სალიკვიდაციო სამუშაოების ჩატარებას "ჯორჯიან უოთერ ენდ ფაუერის" ტექნიკური ბრიგადები ხვალ დილიდან დაიწყებიან.
"ჯორჯიან უოთერ ენდ ფაუერი" ითვალისწინებს წყალმომარაგების შეზღუდვით გამოწვეულ დისკომფორტს და ბოდიშს უხდის თავის მომხმარებლებს.