ევროსაბჭოს საპარლამენტო ასამბლეის თანამომხსენებლები საქართველოსთან დაკავშირებით ერთობლივ განცხადებას ავრცელებენ და წერენ, რომ საქართველო და ქართველი ხალხი იმსახურებს ევროპის ინსტიტუციურ ჩარჩოში სრული ინტეგრაცას. მომხსენებლები იხსენებენ ყოფილი პრემიერ-მინისტრის, ზურაბ ჟვანიას სიტყვებს "მე ვარ ქართველი და მაშასადამე ვარ ევროპელი" და ამბობს, რომ საქართველო ევროპული ქვეყნაა, ქართველები, ევროპელები არიან.
"როგორც ევროპის საბჭოს საპარლამენტო ასამბლეის თანამომხსენებლები, ჩვენ ყოველთვის სრულად ვუჭერდით მხარს და დაუღალავად ვმუშაობდით საქართველოს ევროპის ინსტიტუციურ ჩარჩოში სრული ინტეგრაციისთვის, საქართველო და ქართველი ხალხი იმსახურებს ამას", - აღნიშნავენ თანამომხსენებლები.
მათი განცხადებით, მას შემდეგ, რაც ქვეყანა ევროსაბჭოში გაწევრიანდა მრავალი რეფორმა განხორცილედა და მიღწეულია კარგი პროგრესი დემოკრატიული და კანონის უზნაესობის ინსტიტუტების ფუნქციონირების ევროპულ სტანდარტებთან შესაბამისობაში მოსაყვანად. ამავდროულად განცხადების ავტორები გამოთქვამენ შეშფოთებას, რომ საქართველოს ევროპული ინტეგრაციის პერსპექტივისთვის ასეთ მნიშვნელოვან მომენტში რეფორმების პროცესი შეყოვნდა/ჩერდება:
"საქართველო გზაჯვარედინზეა. ჩვენ მოვუწოდებთ საქართველოს ხელისუფლებას და ყველა პოლიტიკურ ძალას, დაძლიონ უკიდურესი მტრობა და პოლარიზაცია, განზე გადადონ ვიწრო პარტიული ინტერესები და ერთობლივად იმუშაონ ყველა დაინტერესებულ მხარესთან ერთად ევროკომისიის მიერ დასახული რეფორმების 12 პრიორიტეტული მიმართულების განსახორციელებლად, რათა ქვეყანამ მიიღოს ევროკავშირის კანდიდატის სტატუსი", - აცხადებენ თანამომხსენებლები.
მომხსენებელბი აღნიშნავენ, რომ ეს 12 პრიორიტეტული მიმართულება ახალი არაა ქვეყნისთვის და ისინი დიდწილად ემთხვევა რეფორმების პრიორიტეტებს, რომლებიც ასახულია ასამბელის ბოლო რეზოლუციაში საქართველოს შესახებ.
როგორც ამ რეზოლუციაში ასამბლეამ განაცხადა, ფუნდამენტური პრიორიტეტია პოლიტიკურ გარემოში უკიდურესი პოლარიზაციის დაძლევა. განცხადებაში ნათქვამია, რომ ამ პოლარიზაციის გადალახვა მთლიანად დამოკიდებულია ყველა პოლიტიკური ძალის, უმრავლესობისა და ოპოზიციის თანაზომიერ პოლიტიკურ ნებაზე, შეცვალონ თავიანთი ქცევა და დამოკიდებულებები.
