მთავრობას ბოლო შანსი აქვს ამოავსოს ის ნაპრალი, რომელიც მასსა და მოსახლეობას შორის სულ უფრო ფართოვდება., - ამის შესახებ საქართველოს პრეზიდენტმა, სალომე ზურაბიშვილმა CNN-ის ეთერში განაცხადა.
"მთავრობას ბოლო შანსი აქვს ამოავსოს ის ნაპრალი, რომელიც მასსა და მის მოსახლეობას შორის სულ უფრო ფართოვდება. ბოლო შანსი აქვს აჩვენოს, რომ არ წარმოადგენს პრორუსულ ძალას. მათ თავი უნდა შეიკავონ ძალის გამოყენებისგან, ეს ჩემი მოწოდებაა აქედან. ვიცი და მხარს ვუჭერ და გუშინ მივმართე მოსახლეობას, რომ სრულად მხარს ვუჭერ იმას, რაც ახლა ხდება, რადგან საქართველო დემოკრატიული ქვეყანაა. მოსახლეობას აქვს უფლება, თქვას, რომ ევროპა სურს. ვაპირებ, რაც შემიძლია ყველანაირად მხარი დავუჭირო, უცხოელ ლიდერებთან შეხვედრითა და უცხოურ მედიასთან საუბრით".
მისი თქმით, იმ დროს, როდესაც საქართველო კანდიდატის სტატუსზე გადაწყვეტილების მოლოდინშია და არავითარი საჭიროება არ ყოფილა არასამთავრობო ორგანიზაციების რეგისტრაციის, ამ კანონმდებლობის წარდგენა, რუსული პოლიტიკის ინტერესების გატარებას გავს.
„წარმოდგენილი კანონმდებლობა, რომელზეც ვთქვი, რომ ვეტოს დავადებ, ყველა იმ პრინციპის საწინააღმდეგოა, რომელსაც იცავს ევროკავშირი. ეს ხდება იმ დროს, როდესაც ჩვენ ველოდებით კანდიდატის სტატუსზე გადაწყვეტილებას, რომელიც საქართველომ რამდენიმე თვის წინ ვერ მიიღო, როდესაც ის მიანიჭეს უკრაინასა და მოლდოვას. საქართველოს მოსახლეობამ იცის, რომ ძალიან მნიშვნელოვან მომენტში ვიმყოფებით მათი მომავლისთვის, იციან, რომ მათი შვილების მომავალი განისაზღვრება იმით, თუ რას მოვიმოქმედებთ უახლოეს მომავალში და ისინი მკაფიოდ ამბობენ, რომ სურთ ევროპა“, - განაცხადა პრეზიდენტმა.
