ჩვენ, რუსეთში, გვაღელვებს, როდესაც უკრაინის ზოგი წარმომადგენელი, მაგალითად თავდაცვის მინისტრი მიხაილ ეჟელი საქართველოსთან სამხედრო კოოპერაციის აუცილებლობაზე საუბრობს. ეს განცხადება რუსეთის დუმის დეპუტატმა, პარტია "ედიანაია როსიას" წევრმა კონსტანტინე ზატულინმა გააკეთა.
"ჩვენ, რუსეთში გვაღელვებს, როდესაც უკრაინის ზოგი წარმომადგენელი, მაგალითად თავდაცვის მინისტრი მიხეილ ეჟელი საქართველოსთან სამხედრო კოოპერაციის აუცილებლობაზე და საქართველოს მიერ უკრაინელი სამხედროებისათვის მთიან ადგილებში საბრძოლო გამოცდილების გაზიარებაზე საუბრობს. მას თუ ძალიან უნდა, ჩვენ შეგვიძლია მას მთიან ადგილებში ბრძოლის წარმოების გამოცდილება გავუზიაროთ, მეტიც საქართველოს გამოცდილებაზეც მოვუთხრობთ. გამოცდილება კი მგონი თვალნათელია", _ აცხადებს ზატულინი.
მისივე თქმით, მიუხედავად ყველაფრისა ეჟელის ეს განცხადება არ არს საფუძველი იმისა, რომ უკრაინასა და რუსეთს შორის ურთიერთობები დაიძბოს.
"უბრალოდ, ეჟელი ის ადამიანია, რომელიც ჯერ ლაპარაკობს და მერე ფიქრობს", _ აცხადებს კონსტანტინე ზატულინი.
შეგახსენებთ, რომ მიმდინარე წლის ნოემბერში უკრაინის თავდაცვის მინისტრმა მიხეილ ეჟელმა განაცხადა, რომ 2011 წლიდან უკრაინელი სამხედროები სამხედრო მომზადებას საქართველოში გაივლიან და ხაზგასმით აღნიშნა, რომ უკრაინა თავისი სამხედროების მომზადებით ძალიან დაინტერესებულია.