ახალი წლიდან "ვისოლის" ქსელში საწვავის შესყიდვა მობილური ტელეფონის საშუალებითაც იქნება შესაძლებელი.
ანგარიშსწორების ინოვატორულ სისტემის საშუალებით მომხმარებელს საშუალება ეძლევა, "ვისოლის" ქსელის გარდა მობილური ტელეფონებით შესყიდვა განახორციელოს ათასობით სავაჭრო ობიექტებში, გადაიხადოს კომუნალური გადასახადები, გადარიცხოს ფული სხვა მობილურ ტელეფონებზე. მომხმარებლებს რომლებიც გამოიყენებენ MobiPay-ს სავაჭრო ობიექტებში შესყიდვების განსახორციელებლად, ექნებათ შესაძლებლობა მიიღონ სხვადასხვა ბონუსები, ფასდაკლებები და სპეციალური შეთავაზებები.
"ერთ-ერთ კრიტერიუმი, რატომაც "ვისოლი" წელს კონტიმემტზე 10 საუკეთესო კომპანიას შორის დასახელდა, არის ის რომ "ვისოლი" არის ნოვატორული კომპანია. ტრადიციას არ ვღალატობთ და ახალ ტექნოლოგიებს ვნერგავთ. ამ პროექტის განხორციელებაზე MobiPay ერთად 1 წლის განმავლობაში ვმუშაობდით და მნიშვნელოვანია, რომ ასეთი პროექტის განხორციელება ევროპაში პირველად საქართველოდან იწყება"- აცხადებს "ვისოლის" სამეთვალყურეო საბჭოს თავმჯდომარე სოსო ფხაკაძე.
`ვისოლი ინოვატორია საქართველოს ნავთპობსექტორში და მუდმივად ზრუნავს მომხმარებლის მომსახურების სრულყოფაზე. მობიპეის სისტემა ძალიან მარტივი და მოსახერხებელი იქნება მომხმარებლისათვის. ტელეფონით საწვავის შეძენა ჯერ თბილისში, შემდეგ კი სრულიად საქართველოში იქნება შესაძლებელი," - განაცხადა ვისოლის გენერალურმა დირექტორმა ვასილ ხორავამ.
MobiPay -ში გაწევრიანება მომხმარებლებს შეუძლიათ პარტნიორ ბანკებში და ასევე სავაჭრო ობიექტებში. MobiPay უსაფრთხოა. ნებისმიერი მობილური მომსახურების გამოყენებისთვის ¬ MobiPay -ს მომხმარებელმა აუცილებლად უნდა შეიყვანოს თავისი პირადი საიდენტიფიკაციო (PIN) ნომერი. MobiPay -ს მომხმარებელი ყოველი ფინანსური ოპერაციისას იღებს დადასტურების შეტყობინებას ფინანსური ოპერაციის უნიკალური ნომრით. იმ შემთხვევაში, თუ MobiPay -ს მომხმარებელს დაეკარგა ან მოპარეს მობილური ტელეფონი, ელექტრონული ფული დაცულია. აღსანიშნავია, რომ საქართველოში ფიჭვურიკავშირგამბულობის ბაზარზე მოქმედი კომპანიებიდან MobiPay -სთან ამჟამად მხოლოდ "ჯეოსელი" თანამშრომლობს, თუმცა კომპანიაში იმედოვნებენ, რომ აღნიშნული სერვისის დანერგვით, სხვა მობილური პერატორებიც დაინტერესდებიან.
შეგახსენებთ, რომ "ვისოლის ჯგუფი", ერთ-ერთი უმსხვილესი კომერციული ჯგუფია საქართველოში, რომელიც საწვავის ბიზნესის სფეროში წამყვანი მოთამაშეა. 2007 წლიდან ეს ჯგუფი წარმოდგენილი იყო ბაზარზე მისი ქვე-ბრენდებით: "ვისოლ პეტროლიუმ ჯორჯია", "ვისოლ გაზი", "ეარ ვისოლი", "ვისოლ ბუნკერინგი" და "ვისოლ გაზ დისტრიბუციის კომპანია".
ხოლო "მობიფეი" არის სს "ოუფენ რევოლუშენ ჯორჯიას", ამერიკული კომპანიის შვილობილი ორგანიზაციის სასაქონლო ნიშანი. "მობიფეი" მობილური საფინანსო მომსახურებებს შორის პირველი საერთაშორისო გადახდების ქსელია. "ოუფენ რევოლუშენის" ინვესტორებს შორის არის ორი მსხვილი კერძო საფინასო-საინვესტიციო კომპანია, V-Ten Capital Partners და Blue Heron Capital. "მობიფეის" ევრაზიული საოპერაციო ოფისი საქართველოში, თბილისშია განთავსებული. "ოუფენ რევოლუშენი" "მობიფეის" ოპერაციებს საქართველოდან 13 სხვა ქვეყანაში წარუძღვება.