18 წლამდე ასაკის პირებისთვის გათვალისწინებულ დაწესებულება-ორგანიზაციებში "თამბაქოს კონტროლის შესახებ" კანონით გათვალისწინებული ღონისძიების შეუსრულებლობის შემთხვევაში ხელმძღვანელი 200 ლარით დაჯარიმდება.
აღნიშნულის შესახებ ცვლილებები შედის "საქართველოს ადამინისტრაციულ სამართალდარღვევათა კოდექსში".
კანონპროექტის თანახმად, ყველა სახის საზოგადოებრივ ტრანსპორტში, მასობრივი თავშეყრის ადგილის დახურული შენობა-ნაგებობის, საზოგადოებრივი კვების ობიექტების მფლობელთა მიერ, აგრეთვე სახელმწიფო დაწესებულება-ორგანიზაციების დახურულ შენობა-ნაგებობის, სკოლამდელი აღზრდის, ყველა სახის სამედიცინო და სასწავლო დაწესებულებების, 18 წლამდე ასაკის პირებისთვის განკუთვნილ დაწესებულება-ორგანიზაციების ხელმძღვანელთა მიერ "თამბაქოს კონტროლის შესახე" კანონის გათვალისწინებული ღონისძიებების განუხორციელებლობა გამოიწვევს დაჯარიმებას 200 ლარის ოდენობით.
თამბაქოს პროდუქციის რეალიზაცია სკოლამდელი აღზრდის დაწესებულებებში, სკოლაში, 18 წლამდე ასაკის პირებისთვის განკუთვნილ დაწესებულება-ორგანიზაციებში, აგრეთვე ყველა სახის სამედიცინო და სასწავლო დაწესებულებში გამოიწვევს დაჯარიმებას 50 ლარის ოდენობით.
საკანონმდებლო ინიციატივის მიხედვით, ბავშვთა კვების პროდუქტებით წარმოების სფეროში ლიცენზიის გარეშე საქმიანობა 2 000 ათასი ლარით დაჯარიმდება, ხოლო თამბაქოს პროდუქციის დიზაინის დაზიანება გამოიწვევს დაჯარიმებას 800 ლარის ოდენობით.
კანონპროექტის ინიციატორი საქართველოს მთავრობაა.
