ამერიკის შეერთებული შტატები საქართველოში მომხდარ აფეთქებებთან დაკავშირებით შსს-ის მიერ გავრცელებული ინფორმაციის გამო შეშფოთებას გამოთქვამს.
ოფიციალური ვაშინგტონის პოზიცია ჟურნალისტებს პრეზიდენტ ობამას თანაშემწემ ეროვნული უსაფრთხოების, რუსეთისა და ევრაზიის საკითხებში. მაიკლ მაკფოლმა გააცნო.
"ჩვენ მომხდარის გამო შეშფოთებულები ვართ. შეერთებული შტატები აღნიშნულთან დაკავშირებით დამატებითი ინფორმაციის მიღებას ცდილობს", - განმარტა მაკფოლმა.
შეგახსენებთ, რომ საქართველოში სექტემბერ-ნოემრის თვეში განხორციელებული აფეთქებები გახსნილია. შინაგან საქმეთა სამინისტროს თანამშრომლებმა აფეთქებების სერიის ორგანიზებაში, შესრულებასა და ხელშეწყობაში ეჭვმიტანილი 6 პირი დააკავეს, 2-ზე კი ძებნა გამოცხადდა. ოფიციალურად დადასტურებულია, რომ აფეთქებების დამკვეთი და ორგანიზატორი რუსეთის თავდაცვის სამინისტროს წარმომადგენელი, მაიორი ევგენი ბორისოვი იყო.
