ხვალ, 7 დეკემბერს, თელავის სამშობიარო სახლს სპეციალური ინვენტარი გადაეცემა. 20 000 დოლარის ღირებულების ინვენტარს კახეთის გუბერნატორის, გიორგი ღვინიაშვილის ინიციატივით, სამშობიარო სახლი უსასყიდლოდ მიიღებს.
ინვენტარი სპეციალური სამშობიარო საწოლის, ავადმყოფის გადასაყვანი სპეციალური მოწყობილობის, სპეციალური ლეიბისა და ბავშვის საწოლისაგან შედგება.
ინვენტარი სამშობიარო სახლის პერსონალს მომსახურებას გაუადვილებს და კომფოტრულ გარემოს შეუქმნის მშობიარეებს.
საერთაშორისო ჰუმანიტარულმა ორგანიზაციამ "ცაუნტპარტ ინტერნატიონალ"-მა ინვენტარი კახეთის სამხარეო ადმინისტრაციას უსასყიდლოდ გადასცა.
