სააგენტო "როიტერმა" მალაიზიაში დაკავებული ქართველის, ბაბუცა გორდაძის კადრები გაავრცელა. კადრებში ბაბუცა გორდაძის სასამართლოზე მიყვანის კადრებია ასახული.
ბაბუცა გორდაძის სასამართლო პროცესი მალაიზიაში დღეს იმართება.
შეგახსენებთ, რომ საქართველოს ორ მოქალაქე ბაბუცა გორდაძე და დარეჯან კოხტაშვილი მალაიზიელმა სამართალდამცველებმა ოქტომბერში, ნარკოტრეფიკის ბრალდებით დააკავეს. აღნიშნული დანაშაული ადგილობრივი კანონმდებლობით სიკვდილით ისჯება. საქმეში გადამწვეტი ქიმიური ექსპერტიზის დასკვნა იქნება, რომელიც ორ თვეში გახდება ცნობილი. ამის შემდეგ დადგინდება, იცოდნენ თუ არა საქართველოს მოქალაქეებმა, რომ მალაიზიაში სურათების ნაცვლად ნარკოტიკული საშუალება გადაჰქონდათ.
დაკავებულები ბრალს არ აღიარებენ და ამტკიცებენ, რომ ნარკოკარტერის სქემას ემსხვერპლნენ.
დარეჯან კოხტაშვილის სასამართლო პროცესი 13 დეკემბერს გაიმართება.
