ნაკლებად მოსალოდნელი მგონია და გამოვრიცხავ, რომ ამ კანონის მოქმედება პერსონალურად ბიძინა ივანიშვილთან მიმართებაში გავრცელდეს, - თქვა ქართული ოცნების დეპუტატმა, მიხეილ სარჯველაძემ ჟურნალისტებთან საუბრისას. დღეს, 31 ოქტომბერს პარლამენტი დეოლიგარქიზაციის შესახებ კანონპროექტის განხილვას იწყებს.
„ამ შემთხვევაში, ოლიგარქის ცნებისთვის მთავარი რაც არის, რომ ხელისუფლებას საკუთარი ინტერესებისთვის იყენებდეს და ხელისუფლებასთან მიმართებაში კონკრეტული გავლენები ჰქონდეს - მოცემულ შემთხვევაში, ასეთი სახეზე არ გვაქვს. აქედან გამომდინარე, პირადად მე, ნაკლებად მოსალოდნელი მგონია და გამოვრიცხავ, რომ ამ კანონის მოქმედება პერსონალურად ბიძინა ივანიშვილთან მიმართებაში გავრცელდეს“, - თქვა სარჯველაძემ.
