"სახელმწიფო ბაჟის" შესახებ საქართველოს კანონში ცვლილებები შედის. ცვლილებების მიხედვით, ფიზიკური პირებისათვის პირველ ინსტანციის სასაართლოში სახელმწიფო ბაჟის ოდენობა 3 ათას, ხოლო იურიდიული პირებისათვის 5 ათას ლარს არ უნდა აღემატებოდეს.
სააპელაციო ინსტანციის სასამართლოში ბაჟის ოდენობა ფიზიკური და იურიდიული პირებისათვის განსაზღვრული იქნება შესაბამისად არაუმეტეს 5-7 ათასი ლარისა.
რაც შეეხება საკასაციო ინსტანციის სასამართლოს, ბაჟის მაქსიმალურ ოდენობად ფიზიკური პირებსათვის 6 ათასი, ხოლო იურიდიული პირებისათვის 8 ათასი ლარი დგინდება.
კანონში შესატანი ცვლილებების მიზნად სახელმწიფო ბაჟთან დაკავშირებული საკანონმდებლო დებულებების უნიფიცირება სახელდება. K
კანონპროექტის ავტორები მიიჩნევენ, რომ კანონის არსებული რედქციით გათვალისწინებულია ერთი სამართალწარმოებისათვის სამივე ინსტანციის სასამართლოში გადასახდელი ბაჟის მაქსიმალური ოდენობა, რაც წინააღმდეგობაშია საქართველოს სამოქალაქო საპროცესო კოდექსით თითოეული ინსტანციის სასამართლოსათვის დადგენილი ბაჟის მაქსიმალურ ოდენობასთან.
ავტორთა განმარტებით, აღნიშნული დავას იწვევს მხარის მიერ გადასახდელი სახელმწიფო ბაჟის ოდენობის განსაზღვრისას.
