ევროპარლამენტის დღევანდელ სხდომაზე ძალიან მკაფიოდ ითქვა ყველაფერი, ყველა ის პუნქტი, რომელიც ეხება საქართველოს ევროპულ მომავალს, - ასე ეხმაურება „ევროპული საქართველოს“ პოლიტსაბჭოს თავმჯდომარე, გიგი წერეთელი რასა იუკენიჩიენეს კომენტარს „დეოლიგარქიზაცია ნიშნავს დებიძინიზაციას, ან დეივანიშვილიზაციას“
მისი თქმით, დიდი მხარდაჭერის მიუხედავად, რომელიც აქვს საქართველოს და საქართველოს მოსახლეობას, ყველაზე დიდი წინაღობა, რაც ამ გზაზე არსებობს, არის ის ოლიგარქიული მმართველობის სტილი, რომელიც ბიძინა ივანიშვილმა დაამკვიდრა ამ ქვეყანაში.
წერეთელი ამბობს, რომ რაც უფრო მეტს შეედავებიან ამ საკითხზე ქართული ოცნების ლიდერები, მით უფრო ხშირად იქნება ახსნა ევროპარლამენტში და დასავლეთში, რომ სწორედ ივანიშვილია ფაქტორი და როცა დეოლიგარქიზაციას ახსენებენ, არა ვინმე სხვას, არამედ ივანიშვილის გულისხმობენ. ეს ძალიან ხმამაღლა და მკაფიოდ ითქვა.
„მე ვფიქრობ, ქართულმა ოცნებამ თუ რამე რესურსი ჯერ კიდევ დარჩენია, ეს პოლიტიკა სასწრაფოდ უნდა შეცვალოს და ყველაზე კარგი იქნება, რომ ხელისუფლება რაც შეიძლება მალე შეიცვალოს.“ - განაცხადა გიგი წერეთელმა
