რუსეთმა აფხაზეთიდან და სამხრეთ ოსეთიდან თავისი სამხედრო კონტიგენტი უნდა გამოიყვანოს. ეს განცხადება დიდი ბრიტანეთის პრემიერ-მინისტრის მოადგილემ ნიკ კლეგმა ასტანაში ეუთოს სამიტის მიმდინარეობისას გააკეთა.
"გაერთიანებული სამეფო, ისევე როგორც აქ წარმოდგენილი სახელმწიფოების უმრავლესობა უპირობოდ აღიარებს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ ფარგლებში", _ განაცხადა კლეგმა ასტანაში და რუსეთს მოუწოდა "მოვიდეს შესაბამისობაში თავის თავზე ნაკისრ ვალდებულებებთან ცეცხლის შეწყვეტის შესახებ და აფხაზეთიდან და სამხრეთ ოსეთიდან თავისი სამხედრო კონტიგენტი გამოიყვანოს".
"საქართველოში ეუთოს მისიის აღდგენა - სასწრაფო საკითხია და ჩვენ მოვუწოდებთ ყველა მონაწილეს კონსტრუქციულად მიუდგნენ ჟენევის მოლაპარაკებებს. მიხეილ სააკაშვილის მიერ გაკეთებული განცხადებები ძალის გამოუყენებლობის შესახებ ჩვენ იმედის საფუძველს გვაძლევს", _ განაცხადა კლეგმა.
