ხვალ, 1-ელ დეკემბერს, შიდსთან ბრძოლის საერთაშორისო დღე აღინიშნება. 14:00 საათზე სასტუმრო ~შერატონ მეტეხი პალასში~ საქართველოს ჯანდაცვის სამინისტრო, ჯანმრთელობის მსოფლიო ორგანიზაციის საქართველოს წარმომადგენლობა და ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრი შიდსთან ბრძოლის საერთაშორისო დღეს ფართომასშტაბიანი ღონისძიებით აღნიშნავს.
მსოფლიო შიდსის დღე (ინგლ. World AIDS Day) ყოველწლიურად 1-ელ დეკემბერს აღინიშნება და შიდსის პანდემის მიმართ საზოგადოებაში ცნობიერების ამაღლებას ემსახურება. შიდსმა მსოფლიოში 2007 წლისთვის 25 მილიონი იმსხვერპლა, ხოლო დაახლოებით 38,6 მილიონი ვირუსმატარებელია, რაც მას ყველაზე დესტრუქციულ ეპიდემიად აქცევს ისტორიაში. მიუხედავად ბოლო დროს ანტირეტროვირუსული მკურნალობის ხელმისაწვდომობის გაუმჯობესებისა, მსოფლიოს მრავალ რეგიონში 2005 წელს შიდსის ეპიდემიამ 3,1 მილიონი ადამიანი იმსხვერპლა; მათ შორის 570.000 ბავშვი იყო.
მსოფლიო შიდსის დღის აღნიშვნის იდეა 1988 წელის შიდსის პრევენციის პროგრამით ჯანდაცვის მინისტრების სამიტზე გაჩნდა. მას შემდეგ ეს იდეა მრავალმა მთავრობამ, საერთაშორისო და საქველმოქმედო ორგანიზაციამ მიიღო მთელ მსოფლიოში.
