"ქრისტიან-დემოკრატები" საავადმყოფოების ქართული სამედიცინო საზოგადოების კერძო მფლობელობაში გადაცემას ითხოვენ. ამის შესახებ "ქრისტიან-დემოკრატების" ლიდერმა გიორგი თარგამაძემ პარლამენტში გამართულ ბრიფინგზე განაცხადა.
მისი თქმით, საავადმყოფოების რეაბილიტაცია-რეკონსტრუქციაში 2011 წლის სახელმწიფო ბიუჯეტიდან 30 მილიონ ლარზე მეტი ჩაიდო.
"კარგი იქნება, თუ მთავრობა ისე არ მოიქცევა, როგორც ადრე, როდესაც სახელმწიფო საავადმყოფოებში დებდა ინვესტიაციას და შემდეგ სიმბოლურ ფასად რომელიმე კერძო კომპანიას სჩუქნიდა. მომხრე ვართ, რომ სახელმწიფომ მოახდინოს ინვესტირება ჯანდაცვის სისტემაში, მაგრამ ამავდროულად გათვალისწინებული უნდა იყოს ქართული სამედიცინო საზოგადოების ინტერესები და სწორედ მათზე უნდა მოხდეს ამ საავადმყოფოების კერძო მფლობელობაში გადაცემა", - აღნიშნა თარგამაძემ.
მისი თქმით, აღნიშნული საკითხი დღეს საქართველოს პრემიერ-მინისტრ ნიკა გილაურთან შეხვედრის დროსაც დააყენა.
