სამხრეთ აფრიკის ქალაქ აღმოსავლეთ ლონდონის ღამის კლუბში 17 ადამიანი გარდაცვლილი იპოვეს. იუწყება ადგილობრივი მედია.
ცხედრები იპოვეს კვირა დილით, კლუბ Enyobeni Tavern-ში. იუწყებიან რამდენიმე ადამიანის დაშავების შესახებაც.
პოლიცია იძიებს ინციდენტის გარემოებებს, თუმცა მიზეზებზე არ საუბრობს.
ადგილზე მობილიზებულია სასწრაფო დახმარების ბრიგადების დიდი რაოდენობა.
ადგილობრივი მედიის ვარაუდით, შესაძლოა, ღამის კლუბში ჭყლეტა იყო, რამაც გამოიწვია ახალგაზრდების გარდაცვალება.
პოლიციის წარმომადგენელმა მედიას უთხრა, რომ გარდაცვლილთა უმეტესობა 18-დან 20 წლამდე ახალგაზრდები იყვნენ.
ჯანდაცვის დეპარტამენტის ინფორმაციით, ცხედრები ექპსერტიზაზე გადაასვენეს, რათა გაკვეთის შემდეგ, დადგინდეს სიკვდილის სავარაუდო მიზეზი.
