საქართველოს პრეზიდენტის პრესსპიკერი მანან მანჯგალაძე ევროპის ახალგაზრდული ოლიპიადის თბილისში გამარჯვებას საქართველოს გამარჯვებას უწოდებს.
მისი თქმით, 2015 წლის ევროპის ახალგაზრდული ოლიმპიადის მასპინძლობისთვის ქართული ხმარე ბევრს მუშაობდა და დასახულ მიზანს მიაღწია.
"ოლიმპიადის მასპინძლობა მჭიდრო კავშირშია ჩვენი ქვეყნის პოლიტიკასთან. ოლიმპიადის მასპინძლობისთვის საქართველო ბევრს მუშაობდა. საბოლოოს ამ შრომამ შედეგი გამოიღო. ეს არა მარტო ქართველი სპორტსმენების გამარჯვება, არამედ მთელი საქართველოს გამარჯვებაა", - განაცხადა მანანა მანჯგალაძემ პრეზიდენტის სასახლეში გამართულ ბრიფინგზე.
მისი თქმით, ოლიმპიადის მასპინძლობისთვის, ჩატარდება ინფრასტრუქტურის გაუმჯობესებისთვის აუცილებელი სამუშაოები.
შეგახსენებთ, რომ 27 ნოემბერს სერბეთის დედაქალაქ ბელგრადში მიღებულ იქნა გადაწყვეტილება, რომლის მიხედვითაც საქართველოს დედაქალაქი თბილისი 2015 წლის ევროპის ახალგაზრდულ ოლიმპიადას უმასპინძლებს.
