საქართველოს პრემიერ-მინისტრმა ირაკლი ღარიბაშვილმა ჰოლოკოსტის მსხვერპლთა ხსოვნას პატივი მიაგო.
მთავრობის მეთაური, ისრაელის სახელმწიფოში ვიზიტის ფარგლებში, დელეგაციის წევრებთან ერთად „იად ვაშემ”-ში იმყოფებოდა.
ირაკლი ღარიბაშვილმა მუზეუმი დაათვალიერა, ჰოლოკოსტის მსხვერპლთა მემორიალი გვირგვინით შეამკო და სამახსოვრო წიგნში ჩანაწერი დატოვა.
ისრაელში ვიზიტის ფარგლებში, საქართველოს პრემიერ-მინისტრმა შეხვედრები გამართა ისრაელის პრემიერ-მინისტრ ნაფტალი ბენეტთან, ქნესეთის თავმჯდომარე მიკი ლევისთან და საგარეო საქმეთა მინისტრ იაირ ლაპიდთან.
